Perqué aquesta associacion ?

-> Voir la version française

Coma aquò se practica en sosten a las grandas institucions culturalas publicas (Musèus, Bibliotecas, Arquius), d’universitaris, cercaires, linguistas e istorians, ensenhaires, escriveires, artistas, franceses e estrangièrs, se son recampats al mes de Junh 2016 per constituir l’associacion dels Amics del CIRDOC

L’objècte d’aquela associacion es d’acompanhar lo CIRDOC dins sa volontat d’enriquesir e d’avalorar sas colleccions, e dins totas sas activitats. Principal establiment cultural interregional consagrat au patrimòni e a la creacion occitans, lo CIRDOC es un pòl d’excelléncia màger, sempre au servici dau public e dels cercaires, que met a disposicion de cadun la cultura d’òc, de mercé, es de notar, lo portal numeric Occitanica.
Estacats a aquel establiment, los sòcis vòlon obrar cotria per far viure lo CIRDOC e lo far raionar tant al nivèl local coma al nivèl internacional. L’associacion aculhís qual se vòl enregar sus aquela dralha, tant coma los usatgièrs o los simples simpatisants.

Una Assemblada constitutiva a elegit un Conselh d’Administracion e un Burèu provisòris (Gérard Gouiran, president, Peire-Joan Bernard secretari, e Joan-Guilhem Roqueta, clavaire).

Vos podètz marcar a l’associacion amb lo butletin e consultar los estatuts.

Per ne saber mai sus Lo CIRDOC :

De legir : Lettre ouverte à Madame Audrey Azoulay, Ministre de la Culture et de la Communication